真性情中女│伍詠薇素顏真空開直播講護膚 老公練海棠亂入提示唔好走光

伍詠薇下月下旬踏入52歲，無論身材、皮膚都保養得非常之好，實在羨煞旁人！昨晚她在Facebook直播分享保養心得，揚言不是廣告沒有賺錢，只是希望疫情之下，大家開開心心交流扮靚的心得。沒想到伍姑娘開始直播短短幾分鐘已經吸引高達1,600人收看，成績見得人！

Tiger's Talk︳黃宗澤直認迷戀蝦頭逼爆身材 伍詠薇重提翁江培:我唔係戀父【下一頁】

{{hket:inline-image name="119059063_4571136236237417_6268636569122374147_o.jpg"}}{{/hket:inline-image}}

{{hket:inline-image name="112942783_4354791797871863_1228570954060864754_n.jpg"}}{{/hket:inline-image}}

一向我行我素的伍姑娘全程素顏示人，身穿超級鬆身的居家服示人，「喺屋企就係咁causal，我係一個演員，但都係一個素人。我冇化妝，直播時冇得執又冇得整白自己，呢個就係我冇化妝個樣，大家唔好笑我啦好冇？」網友們紛紛大讚她「貼地女神」。伍姑娘由洗面開始，護膚程序逐一講解，連同手勢或者需要注意的細節都有教大家 ; 期間烏低身洗面時，幾乎走光！

這時，老公練海棠突然走入洗手間，怕醜的他不敢入鏡，輕聲提醒老婆小心走光，她表示：「我老公叫我小心走光，放心啦！我有底衫，冇事！如果我走光，會唔會有幾百萬人睇？係就正啦！如果我走光，大家掩眼啦！喺屋企，梗係唔戴bra bra㗎啦，大家唔好鹹濕！」

（↓點擊圖片放大↓）

伍詠薇宣布簽約邵氏重返無綫 做勻四間電視台：「我返娘家啦」【下一頁】

伍姑娘一於少理，繼續教大家護膚，不過由於動作比較大，網友們也開始擔心她，不斷留言叫她小心。而練海棠在廁所門後一路睇住直播，亦一路輕聲提伍姑娘小心，非常搞笑！由於老公同貓咪在直播期間亂入，伍姑娘笑問：「見唔見到我屋企啲秘密嘢？見唔到就ok，其實我唔喺自己屋企，我喺第二個男人嘅屋企，哈哈哈！」亂說話和幽默感，令粉絲睇得非常開心，「我認自己係中女，唔係靚，但我乾淨，乾乾淨淨無性病，你覺得我長髮靚啲？但我鍾意短頭髮嘛！接受我啦，ok？」

伍姑娘直言1,600人觀看直播暫時是她人生的最高記錄，「自己唔係偶像派，得到大家支持，非常開心！」她續稱：「我素顏上陣，批評唔好咁大力，唔好踩咁勁呀！想知乜嘢都可以儘量問我。」

（↓點擊圖片放大↓）

責任編輯：楊安莉